Invasores
Al esfrecer al amanecerín, vieno la bayura de voces. Vieno, sí, talmente como un exércitu d´almes en pena, enraxonáu y porcaz. Calcaben güelgues de sangre na ñeve y ofendíen a los cielos al pasar pel valle. Empobinaron pel mediu l´aldea y fixeron sonar grandes ruxerruxes. Guardáronse los vecinos, medranosos pola llegada d´esi fríu, d´esi golor, d´esa xentecaya procedente del otru mundu. Los malos díes yá taben equí, y un hibiernu de negrura y maldición taba a piques d´entrar nel mundu los vivos.
Esbilla
del.icio.us