Ye por ti, fala de mios mayores

Que voi al rebuscu de paroles y parzamicos

Sentíos nes otres vides, de cuando yera espíritu andayón,

De cuerpu en cuerpu esnalando, y la tierra anochaba inocente

A que´l llabiegu fixera en ti taragaños.

Pescudo eses paroles que´l tiempu faltón, xerifalte,

Quixo tapecer en tumbes feches por otres xentes estranxeres.

Téngoles dientro, que deprender yera recordar:

 Ámoles día a día, son regueros de vida nueva.