Nunca finamos como queremos
Nunca finamos como queremos.
Naguando pases, pente foles fosques,
Un vieyu y sólidu torrexón alzáu
Énte la mar y la cordalera,
Una muria grande y membruda
Que caltenga xoyes n´esta vida balera,
Pasaxera.
Una pumarada, una siella
Onde sentase al regazu de la figar,
na siesta,
Col llibru amáu en cuellu
Y un troníu llonxanu,
D´una nube, que si ha venir, que venga.
Y naguar tamién...
¡Pero esi suañu yá pasó de llargo!
Al emigrante nun-y entra too na maleta.
La vida fuercia a soltar llastre
Y facer de lo fecho, cuenta.
Esbilla
del.icio.us