Ehí me pongo

Tres de la lluz encesa

Del flexu adondáu

P´arrinca-y momentos al recuerdu:

El d´esos praos de llamuerga

Vista´l frente la mar,

Y fileres d´ocalitos tremando

Al nordés d´otres dómines

Más infantiles.

Ehí me pongo

Na mio mesa

A suañar que sigues ehí,

Natura entera, de la patria

Alloñada, ensin encontu

De los que t´amamos

Sin otru motivu, malpenes

Que devolver l´amor

Fechu verde y azul

Que Tu mesma, Asturies, yes.