Amatagar
Yo nun valgo
Pa escaecer eses mañanes
Braniegues y mariñanes,
Nin tampocu soi quien a dexar
D´esqueirar per esi duviellu
De caleyes de finu gris
Pente llombos verdosos
De praos con cencerros
D´abeyes con motor
Rumbando a les mies oreyes
Camudaes en flores,
Aniciando la miel
Na que camuda lo duce de la vida.
Escaecer nun se puede:
Pero ye tan feble,
Llonxanu,
Sonce´l
Tortoriu de cayer pente esos díes
Duldosos,
Imposibles de garrar
Pente manes medio muertes
De tantu rispir,
De tantu guetar
Resclavos esmucíos,
Y tan feble ye vivir asina
Entregáu a la mar
Non la d´agua y fola,
Sinón la del recordar,
Que val mas,
¿Oyisti?,
Val más
Amatagar.
Esbilla
del.icio.us