Llibertá p´Asturies
Llevantémonos depués de la cuelma,
Y siguen, siguen, dándonos cola verdasca.
De magar que mos quitaron el propiu xeitu
Pa facenos ser como ellos,
La vara d´ablanu tornó a cayer
Sobre los nuesos cuerpos esnudos y mayaos…
Pero hai un remanecer:
En cada voz que nun s´amedrana,
Por cada vuelta qu´un neñu faite sentir
Les pallabres mesmes oyíes a los tos mayores,
En cada grayíu roncu pidiendo la llibertá
D´una castra alta y pétrea d´homes y muyeres
Fecha de duru mineral, como los tos montes
Defensores del verdor
Y del vuelu eternu
D´aves inmortales que rayen cielos
Y dibuxen sorrises y banderes
Nel to mapa azul:
Asturies, remaneciendo.
Esbilla
del.icio.us