Yá cumplí primaveres
Yá cumplí primaveres
Pa gociar de cerque la seronda
Y lo que teníen d´haber sío riscares
De días de rellume,
D´amores,
D´arumes divinos
Tastiaos solamente na mocedá,
Piésllense güei al mio recuerdu,
Que too s´esborria al nun ser,
Y en nun habiendo remembranza
Nun se tien de dar señaldá
Polo que nunca foi vivido.
Pero por una brezna,
Al ayeri volvía,
Y por una simplaya brisa
De la mar bendita
Besando´l mio rostru
Diba tornar güei, como seya.
Tiempu: poca cosa teo de ti,
Pero lo que teo, probe ayalga,
Nun me lo robe lladruepu,
Qu´en paz quiero
Col delincuente:
Equí la que nun tien perdón,
Ye esa guaxa que nun perdona,
Esa cadarma que siega:
La Muerte prieta.
Esbilla
del.icio.us