Siendes perdíes
Y foi tovía peor
mancar y amosar rabalbu,
nun entender y fuyir p´alantre.
Pero, ai, p´alantre les caleyes
dexen de ser caleyes
y hebo qu´encloyar
sapos, culiebres y males pasaes.
El camín nuevu,
que quixo ser sele
fo poníendose pindiu
y atrás quedó´l pínfanu mortal
y un recuerdu sin dixerir.
Dixerir, diz él, ye amorir,
y la pena foi más,
fo la pena de verdá,
de la que siempre vuelve,
fecha d´imposibles,
arrinchones y derrotes;
la pena ye derrota, ensin más.
D´un xarrón escacháu
nada pue sacar yá:
atopar puvisa de procelana
como ayalga esprecetada de nada,
pocu más.
Eso, ya escribir en clave
tascando contra les cuatro paredes,
qu´él mesmu alzó.
Esbilla
del.icio.us