Güesos nel agua
Camín sángrín de güesos,
¿Ú ta l´orixe de la to perda?
Quiciás arguyu valeru
y llocura impaciente
o nun saber más...
Tristura fonda dientro
Y años d´escuridá
Suañando con reguerinos,
Con baños ente muiles na mar,
Pente siendes gocioses de xunetu
Baxo soliyeros díes reguilones
D´un vranu inda sin esfrutar.
Lo vivío fáise grande
Como globu qu´infla de pena
Y yá la nueche sollerte
Va dexando de ser serena.
L´alma abluca yá nin se siente
nin fuerte nin valiente,
Pos l´alma quier nalar pela mar
Y facer camudanza n´agua
Tresparente, y nun ser nada,
Malapenes gotes de roxada
Que nagüen pa que llegue l´alborada
De sol caliente que les avente,
Qu´evaporen dica la ñube, pa la fuente
Pos nada, que too ello nun val nada...
Esbilla
del.icio.us